محمد سامى: باكدب على مى وبتقفشنى..ومش أنا السبب فى نجاحها

أكد المخرج محمد سامى أن نجاح زوجته مى عمر يعود إلى موهبتها ولأنها شاطرة، مستنكرا ما يقوله البعض بأنها نجحت علشان جوزها، قائلا:”مفيش حاجة اسمها كده، ومسلسل (لؤلؤ) كان بطولة مطلقة لها ونجح في الوطن العربي كله، والناس اللي بتكتب على السوشيال ميديا حاجات كتير عاوزة تكون مكاننا”.
وأضاف سامي، في حواره مع الإعلامية بسمة وهبة مقدمة برنامج “العرافة”، الذي يعرض عبر شاشة “المحور”: “وبالنسبة للتعامل معها في اللوكيشن، فقد تعاملت معها بشكل مختلف من فترة لأخرى، فقد كانت تظهر 10% من قدراتها أمام الكاميرا وكنت انفعل جدا، لأنها كانت تؤدي في البروفات بشكل أفضل، وهذا كان يرجع إلى انعدام خبرتها”.
وتابع: “حبي لها كان مخليني غيران عليها، وعاوزها تبقى أحسن حد، لأنها مراتي حبيبتي، وبالتالي كنت ببقى قاسي عليها جدا وبوترها وبتعامل بطريقة غلط جدا وأزعق لها وأقول لها يا بنتي، وزمايلني كانوا يقولوا لي بالراحة عليها هي لسه بتبدأ، ولما بقت شاطرة وبقى عندها خبرة الموضوع اختلف، ولما بقت نجمة بقيت أفرمل نفسي بوقيت اتعامل معها باحتراف وزيها زي كل الممثلين، هي إنسانة محترفة أوي وشاطرة”.
“.
وأضاف مازحا “وهو أنا بعمل حاجة غير إني بكدب عليها كزوج مش كمخرج؟ وعلى طول بتقفشني لأنها أكتر واحدة حفظاني في العالم وبغير الكذبة 3 مرات وبعد كده بقول الصراحة.. من خاف سلم”.