قالت الفنانة حورية فرغلي” بعد 11 عملية تجميل فى “مناخيرى”، الحمد لله شكلي أحسن من الأول بكتير، أحمد الله، وطبعا الشكر للناس اللى دعولى اللهم لك ألف حمد وشكر ”
واضافت حورية خلال مداخلة هاتفية لبرنامج “تحت الشمس”، بعد عودتها إلى مصر :” مشكلة مناخيرى بدأت من 9 سنوات، كنت في منتخب مصر للفروسية، والحصان وقع وكسرلي مناخيري تماما، وقمت برحلة علاج طويلة مرت على بلاد كتيرة أوي، زي فرنسا والنمسا ولندن وبريطانيا والسويد والدنمارك وغيرها، لحد ما وصلت أمريكا”.
وتابعت :” في أمريكا اتقالي إن عمليتي صعبة جدا من كتر العمليات اللي عملتها، عملت 11 عملية قبل ما أروح أمريكا، وكتر العمليات طبعا بوظت الدنيا أكتر، الدكتور قال لازم تقعد معايا هنا 4 شهور لأني عملت العملية على 4 مرات والحمد لله العملية نجحت وشكل مناخيرى بقى أحسن من الأول بكتير”.
