أعلن علي غزلان، اليوتيوبر الشهير، خطوبته على ملكة جمال مصر السابقة فرح شعبان، ونشر غزلان وخطيبته صورا من حفل خطوبتهما.
وكتب علي غزلان عبر حسابه على فيس بوك رسالة إلى خطيبته ملكة جمال مصر عام 2017: ” رب قدر يُساق إلينا خير من ألف حلم.. كل إنسان ليه 24 قيراط فى حياته.. وأنا ربنا رزقني بيهم كلهم فيكي”.
وأضاف على غزلان: “من يوم ما شوفتك ما شوفتش غيرك.. كأن حياتى بدأت من النقطة دي.. كل حاجة فيا اتغيرت.. ابتديت أشوف كل حاجة بشكل مختلف.. إبتديت أعيش بجد.. حتى النفس اللى بتنفسه بقى ليه طعم تاني.. ازاى ده حصل وإمتى وليه ؟!.. معنديش تفسير غير انى بحبك.. بحبك كأنى كنت تايه وفجأة وصلت”.
واستكمل غزلان رسالته الرومانسية لخطيبته: “أول ما قابلتك حسيت إني أخيراً في المكان المناسب.. كنت بدور على الحب طول السنين اللي فاتت ولما قابلتك اكتشفت اني كنت بدور عليكي انتي.. كنت فاكر إني متأخر.. بس معاكي اكتشفت أن كل حاجة بتيجي في وقتها.. وان المعجزة اللي عشت بطلبها من ربنا عشان تغير حياتي كانت (أنت)”.
من جانبها نشرت فرح شعبان ملكة جمال مصر في عام 2017، صور من حفل خطوبتها على اليوتيوبر علي غزلان على حسابها الشخصي بموقع “انستجرام”، وعلقت قائلة: “قالوا زمان تفائلي بالخير تلاقيه.. ولقيتك”.
