هاجمت الفنانة مها أحمد النجمين أحمد السقا وأمير كرارة عقب قرار وقف المخرج محمد سامي من قبل الشركة المتحدة، عبر حسابها الرسمي على موقع التواصل الاجتماعي Facebook.
وقالت مها أحمد فى منشورها “عوضي على الله دي الجملة اللي دايمًا بقولها لما اتصدم فأشخاص، الحكاية با سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلي أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كدة مع أي زميلة لهم اقربها أنا”.
وأضافت الفنانة قائلة: “النجم الأول بيني وبينه عيش وملح وزماله رشحت فمسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة، المفروض أنه عارف قيمتي الفنية وعارف اني إضافة له، اتهرب منى وموقفش جنبى وباعنى رغم ان الكل عارف انى زى اخته(ندل)”
وتابعت”اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب) .تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه)” .
وختمت مها أحمد كلامها: “يمهل ولا يهمل ابدوا من جديد يااوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. ( عوضنا على الله ) .يارب متحوجنا لحد حتى ولو كان اققرب الناس لينا”.
تفاعل عدد كبير من الجمهور مع منشور مها أحمد وقال البعض أنها تقصد كل من الفنان أمير كرارة وأحمد السقا والفنانة مي عمر.
فيما رد أمير كرارة على تصريحات مها أحمد قائلا: “كل الوسط الفني كبار وصغيرين عارفين السقا وكرارة موقفهم أية مع زمايلهم واخواتهم الفنانين كبار وصغيرين وشكرًا”
