اعتذر خالد عيد المدير الفني للفريق الأول بنادي غزل المحلة، للجماهير المحلاوية بعد الهزيمة من أسوان بهدف دون رد، بالأمس في المباراة التي جمعتهما ضمن منافسات الجولة 24 ببطولة الدوري المصري الممتاز.
وكتب خالد عيد تعليق من صفحته الشخصية بموقع فيسبوك علي أحد الصفحات التي تدعم الفريق وقال “انا بعتذر لكم كلكم اخواتى المحترمين جمهور الغالى بس بحب اوضح حاجه انا لما جيت النادى بعد فتره كبيره بعيد عن النادى جينا لاقينا النادى فى انهيار تام وفى الدرجه الثانيه وخدنا عهد على نفسنا ان لازم نادينا يرجع لوضعه الطبيعى وسط الكبار والحمد لله بفضل ربنا ومساندتكم الفريق رجع واتكلمنا مع الناس قبل الدورى انا انشاء الله الفريق هايكمل ومش هاينزل ونعد فى حته كويسه.
وأكمل “موعدناش اكتر من كده انا عارف ان معظم الجمهور طموحهم زادت بس خلينا واقعين اللعبيين دى فيهم ناس اول مره تلعب دورى عام فى خبرتهم مع ضغط الماتشات كتير عليهم لاكن والله العظيم احنا بنموت نفسنا عشان خاطر الجمهور يبقى فرحان بس.
وأكد علي أن “الاجهاد والسمسرة اللى بدأو يلعبو فى رأس اللاعبين يكونو سبب معلش للاطاله وسمحونا”
ويستعد غزل المحلة لمواجهة مصر المقاصة يوم الجمعة المقبلة ضمن منافسات الجولة 25، ويخوض المباراة في المركز التاسع برصيد 31 نقطة.
