تبرع الفنان ياسر جلال، بمبلغ ثلاثة ملايين جنيه لصالح صندوق تحيا مصر، اليوم.
وقال ياسر جلال، في تصريحات صحفية: «المرة ديه بعلن عن الجهة والمبلغ اللي اتبرعت بيه، لأني بتمنى إن كلنا نشترك، ونعمل اللي نقدر عليه، وبدعي زملائي النجوم أنهم يتبرعوا باللي يقدروا عليه، عارف إن في منهم عمل الموضوع قبل كده، بس لو عملوا ده تاني يبقي شيء عظيم”.
وأضاف ياسر جلال: «يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بيمر بأزمة كبيرة، والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض»، وحرص على إنهاء حديثه بالدعاء لمصر.
يذكر أن آخر أعمال ياسر جلال، مسلسل الاختيار 3 في رمضان الماضي، وحقق نجاحا كبيرا، شاركه البطولة أحمد السقا وكريم عبد العزيز، وعدد كبير من نجوم الفن.
